Now Online

Sunday, 8 November 2020

மனதுக்குள்ளே மச்சம் போல

எந்தன் மொட்டை மாடியில் மினுமினுத்த
நட்சத்திரங்களை
உனது மாடிக்கு
அனுப்பி விட்டேன்...!
எனது வாசலில் கரைந்த காகங்களை
உனது வீட்டிற்கு
விரட்டி விட்டேன்...!

இரவு முழுவதும் கனவுகளாய்
வந்து பேசும்
உனை மட்டுமே
மச்சம்போல
மனதுக்குள்ளே
அமர்த்திவிட்டேன்
வாழ்க நீ செல்லம்மா...!

*பொன்.இரவீந்திரன்*


*கறைபடும் கண்ணீர் துளிகள்*



எவரையும்
*உலகமென்று*
நினைத்து விடாதே

குறுகிய
வட்டமாகிய அந்த
*உன் உலகத்தில்*
*நீ பத்தோடு*
*பதினொன்று தான்*
*என்று புரியும் போது*
*புதைந்து போவாய்*
புழுதியில் அல்ல
புதை மணலில்

நீ உயிர் என்று
நினைப்பவரின்
நினைவில் கூட
நீ இல்லை என்று
தெரியும் போது
உடைந்து போவாய்
*ஒன்றிரண்டாக அல்ல*
*சுக்கல் சுக்கலாக*

உன் மட்டில்
அன்பு வைத்து
அனாதையாகி
விடாதே

புரிதல்கள்
நிறைந்த
மனதில் கூட
*சமயத்தில்*
*சில சறுக்கல்கள்*
வந்து விழும் போது

புரிதலே
இல்லாத
இடத்தில்
தனித்து நின்று
புலம்பிக் கொண்டு
இருக்காதே

*புரிதலின்*
*ஆழம் என்ன*
*என்பதை*
*முதலில் நீ*
*புரிந்து கொள்*

விரைவில்
தெளிந்து
விடுவாய்

உன்மீது
உண்மையான அன்பு இல்லாதவர்களுக்காக
வீணாக உன்
*கண்ணீர் துளிகளை*
*கறைப்படுத்தாதே*

காலத்தின்
பிடியோ வலியது
கடந்து விடுவாய்
கவலை கொள்ளாதே

எவரையும்
*உலகம் என்று*
நினைத்து விடாதே

✍️கவிரசிகை.......
          .......சுகந்தீனா


Saturday, 7 November 2020

சூதாட்டம் சூதாட்டம் சூதாட்டம் - வத்சலா


மதுவுக்கு அடுத்த சமூகசீர்கேடு !
மானம் இருந்தால் தப்பியோடு!
குடும்பங்கள் அழிய இது ரோடு!
கூவாத குயிலாகும் உன் பேடு(ம்)!
பொன்இழப்பாய் பொருள் அழிப்பாய்!
பொத்தி வைத்த மானம் அழித்து....
பொதுவான இடத்துக்குள் மண்
புதைந்தேநீயும் வீணில் போவாய்!
இன்றைய வாழ்விலே சூதாட்டம்!
இயல்பாய் போனது பல கட்டம்!
இந்தியப்பொருளாதார சட்டம்!
இருந்தும் ஏனைய க(ஷ்)ட்டம்!
தருமன் தோற்றான் துரியன் சபையில்
வரலாற்றவலமாய் பெண்ணிழந்தாள்...
                           மானங்காக்கும்துகில்!
பாரதம் படிப்போரின் மனதெங்கும்
                         சுட்டெரிக்கும் வெயில்!
வேண்டாம் சூதாட்டமெனும் பாடம்
                                            பயில்!
வீடு துவங்கி வீதி வரையிலும்......
சாவு தொடங்கி சுடுபூமி வரையிலும்...
விசேடத்தின் விசேடமாய் அமைந்து
ஆசாடபூதித்தனம் செய்தே அழிக்கும்!
வென்றாலும் தோற்றாலும் வன்மம்
                                       வளர்க்கும்!
விளையாட்டுப்போட்டிகளில் நடக்கும்!
விபரீத விளையாட்டே சூதாட்டம்!
கருப்புப்பணம் கை மாறும்
சில்லரை அங்காடி தான் ஆடுகளம்!
வீட்டுப்பொருளாதாரத்துடன்
நாட்டுப்பொருளாதாரமும் நலிந்து.....
நடுவீதிக்கு தள்ளிவிடும் கைகோர்த்து!
வீணாய்போக வழிகாட்டும்உனை
                                          சேர்த்து!
நாட்டோடு வீடும் நலங்காண வேணும்!
உன் எண்ணங்கொஞ்சம் மாற்று!
உழைத்த கொண்டுவரும் உன்காசில்
ஒருவேளைச் சோறாவது உண்டு பாரு!
உரிமையின் இன்பத்தை புதையலாய்
உண்மையில் தத்தெடுத்திடு!    பேரின்பம் எதிலென்ற உண்மை
                                    அறிந்திடு!
ஏமாற்றிச் சேர்க்கும் பணம் நில்லாது!
சோம்பேறிவாழ்க்கை வெற்றிதராது!
உழைத்து வாழ்ந்திடில் வரும் உயர்வு!
உன்னித்துப்பார்க்கையில் நீங்கும்
                                          அயர்வு!
சூதாட்டம் அழிக்க தேவை ஒரு
போராட்டம், கூட்டிணைந்து ஆடும்
சதிராட்டம்; வென்றால் தடுத்திடலாம்
அதனின்கொடும் பேயாட்டம்!
🌹🌹வத்சலா🌹🌹


Thursday, 5 November 2020

இடை ஆட்டம் பாரீர்- ஹேமாவதி


     (Belly Dance)

இணையற்ற ஆட்டமாம் *இடையாட்டம்* பாரீர்!
..........இதுதானே *எகிப்தியரின்* ஈடிலாத ஆட்டம்!

அணையாத தழலொளியாய் அந்நாளின் நடனம்
..........அழியாமல் இன்றளவும் ஆடுகிறார் பாரீர்!

இணையற்ற இவ்வாட்டம் இந்தியாவின்  சொத்தோ?
.........இக்கேள்வி என்னுள்ளே நெடுநாளாய் உண்டு!

அணைமீறும் ஆறாக அழகுடைய பெண்ணின்
...........அக்கால *விறலியாட்டம்*  இடையாட்டம் தானோ?
(1)

இடைநெளியும் அதனோடு இணைந்தேதான் *தொப்புள்*
......... *இழையெனவே மாறிமாறி பலவடிவங்* கொள்ளுமே!

அடையாளம் இவ்வாட்டம் *அரபுமண்ணில்* என்றும்
........ஆனாலும் பலநாட்டில் இடையாட்டம் உண்டு!

கடைந்தெடுத்தச் சிலையாக *இடையழகைக் கூட்டும்*
..........கண்ணுக்கு எளிதாகத் தெரிந்தாலும்
ஆட

*படைமறவர் போலன்றோ* பயிற்சிதனைச் செய்வர்!
........பக்குவமாய் தானியங்கள் காய்கறிகள் உண்பர்!
(2)

*உடைக்கவேண்டும்* ஆபாசம் என்போரின் பல்லை!
........தடையேது கண்ணுக்கு இடையாட்டம் காண

கடைதந்த கனிவகைளின் *தோலெடுத்து* நானே
.........கன்னியாடும் இடையாட்டம் *கருத்தாகச் செய்தேன்!*

விடையில்லா *கவலைகளைத் தூரவீசி வாரீர்!*
........வில்லாக இடைநெளிக்கும் *இவளாட்டம் பாரீர்!*

சடைமுடியார் ஆடுகின்ற ஆட்டத்தின் முன்னால்
........ *சிறுமழலை போலாகும்* இடையாட்டம் *வாழ்க!*

த.ஹேமாவதி
கோளூர்
👇👇👇👇👇👇👇


அட்சயபாத்திரமாய், அமுதசுரபியாய் - வத்சலா

ஓராயிரம் பாடல்கள்
உனைவைத்து பாடினாலும்.....
நூறாயிரம் கற்பனைகள்
நீ தந்துகொண்டே இருக்கிறாய்!
அட்சயபாத்திரமாய்,
அமுதசுரபியாய் ,
உண்மையில் நீயொரு அதிசயமே!
அன்பு குறையினும் மிகையினும்
கேடுண்டாகுமாமே?
ஆனால் நீ வளர்ந்தாலும் தேய்ந்தாலும்
ஆர்வலராம் கவிஞர்க்கு நீ செல்வமே!
சில நாளில் சிந்திய வைரப் பாதையில்
சிங்காரமாய் நடைபயில்வாய்!
பல நாளில் உன் உறுதுணையாய்
பளிச்டும் ஒற்றை நட்சத்திரத்துடன்
வாய் ஓயாது கதைகள் பேசிக்கொண்டிருப்பாய்!
சில நாளில் வெண்பட்டுப்.  பஞ்சணையில் குழந்தையாய்
துயில்கொண்டிருப்பாய்!
சில நாட்கள் கருமேக காவலர்
புடைசூழ ராஐநடை பயின்றிருப்பாய்!
சில நாளில் மழைமேகங்களுடன்
கண்ணாமூச்சி ஆடியிருப்பாய்!
நிலவைப்பெண்ணாக்கி பாடுவார் சிலர்!
பெண்ணை நிலவாக்கி ஏங்குவார் சிலர்!
ஆனாலும் என்உறவாய் ,உயிராய் ,ஆவாகனம் செய்து வைத்தேன்.....
உன்னை எந்தன் நெஞ்சில்!
ஊருக்கொரு பொதுவிளக்காய் வைத்தான் இறைவன் வானில்
எங்கிருந்தபோதும் எனக்கானவள் நீ
எழில்கொஞ்சும் வெண்ணிலவே!
அனைவருக்கும் இனிய இரவு வணக்கம்
🌹🌹வத்சலா 🌹🌹


உரல் களம்- கிராத்தூரான்



வீட்டோடு ஒட்டியே உரல் களம் ஒன்று
அரிசி குத்த, மாவாட்ட, அரைப்பதற்கு என்று
தனித்தனியாய் ஒவ்வொரு வீட்டிலுமே உண்டு
உடலசைய ஒன்று கூடிப் பயன்படுத்தினர் அன்று.

பண்டிகை நாட்களில் ஓய்விருக்காது
என்றாலும் வேலையிலே தொய்விருக்காது
உலக்கை, உரலுடன்அம்மியும் குழவியும்
குத்தலும், ஆட்டலும், அரைத்தலும் நடக்கும்.

மசாலா மணமோ நாசியைத் துளைக்கும்
பலகார மாவின் மணமே ருசிக்கும்
நல்லது நல்லது நல்லது என்றே
உழைப்பவர் தின்பவர் உடலும் நினைக்கும்.

ஒன்றாய் இருப்பதும் கதை பேசி மகிழ்வதும்
வேலையின் ஊடே ஒன்றாக நடக்கும்
ஒற்றுமை ஓங்கியும் உடல் நலம் பேணியும்
இருந்த அந்நாட்களை  நினைத்தாலே இனிக்கும்.

*கிராத்தூரான்*


நவரசங்கள். - வத்சலா


அவளின் தீண்டும் ஆவலில்
வந்திட்ட போதிலும் தயக்கம்
ஒட்டிக்கொண்டதால் — *வீரம்*
விலகி அவன் நின்றிட -பாவம் அவளின்
விரலிடுக்குகள் *வெறுப்பில்* விலகின!
அவன் சிந்திய புன்சிரிப்பால்
மேனி முழுமையுமே
மயிர்க்கூச்செரிய *நாணம்* மிகவே
மறைத்தாள் முகம் மூடியே!
சென்ற அவன் பாதையின் வெறுமை
நின்று அவள் *அமைதியைக்*
கொன்றுபோட ......
கண்ணீரை இமையே உறிஞ்சிட....
*கையறுநிலை* எய்தினாள் மாது!
கனவில் முன்நுதலில் அவனிட்ட
முத்தத்தின் ஈரத்தை அவள்
உணருமுன்னே இடைபுகுந்த
தென்றல் துடைத்துவிட.....
*சினந்து* அவள்துரத்திட்ட கணம்
விடியலும் வந்திட்டதே!
நிசத்தில் அவன்நேர் நிற்க....
*ஆச்சரிய*த்தில் புருவவில்லிரண்டும்
நடுநெற்றிக்கேற காதலுடன்
நம்பியவன் தோள் சேர்ந்தாள்!
*கனிவு* கொண்டே  அவன்
பார்த்த ஒரே பார்வையில்
*அச்சம்* உடைத்தே துணிந்து
அவன் உயிர் சேர்ந்தாள் *உவப்பு*டனே!
🌹🌹வத்சலா🌹🌹


உண்மை அன்பின் வலிகள்



வலிமைக்கு தான்
வலி அதிகம்...!!
வழிப்
போக்கர்களுக்காக
அல்ல...!!

வலியைத்
தருவதெல்லாம்
வழிப்போக்கர்கள்
அல்ல...!!

மனதில்
வலிமையாய்
வைத்து
நேசித்தவர்களாகத்
தான் இருக்க முடியும்...!!!


✍️ கவிரசிகை.....
          .....சுகந்தீனா


👂காதிடம் கேட்ட👂 கதை*



ஒரு முறையேனும் படியுங்கள்
மனதில் குறுகுறுப்பு உண்டாகும்...😊

*என் பெயர் காது👂*
நாங்கள் இருவர்👂👂
*இரட்டை சகோதரர்கள்...*

ஆனால்..........
எங்கள் தலைவிதி...

*இதுவரை நாங்கள் ஒருவரை ஒருவர் கண்டதில்லை 😪*

ஏனோ தெரியவில்லை.. யார் தந்த சாபமோ.. எங்களை வெவ்வேறு பக்கமாய் படைத்துவிட்டார்😠...

எங்கள் துயர் இதுமட்டுமல்ல..
கேட்பதற்காகவே பிறந்துள்ளோம்..

வசையோ.. இசையோ..
நல்லதோ.. கெட்டதோ..
எல்லாவற்றையம் நாங்கள்தான் கேட்கிறோம்

மெல்ல மெல்ல மாட்டுவதற்கென்றானோம்
கண்ணாடியின் பாரம் தந்தார்கள்
அதன் கம்பியை எங்களுக்கு மாட்டிவிட்டார்கள்.
வலியைப் பொறுத்தோம்..

ஏன் நண்பரே???
கண்ணாடி கண்களுக்கு, பின்
எங்களுக்கு ஏன் தண்டனை?

நாங்கள் பேசுவதில்லை;
ஆனால் என்ன
கேட்கின்றோமே!

எவ்விடத்திலும் பேசுபவர்களுக்கே ஏன் முதன்மை?

பள்ளியில் நீங்கள் படிக்கத் தவறினால்
ஆசிரியரின் கைகள் எங்களையே திருகும்😡...

பெண்களின் தோட்டையும் கம்மலையும் நாங்கள் சுமப்போம். எங்களைக் குத்துவீர்கள்.. ஆனால் புகழோ முகத்திற்கு!!

அதுமட்டுமல்ல
கண்ணுக்கு மை
முகத்திற்கு பாலேடு
உதட்டிற்கு பூச்சு
எங்களுக்கு என்ன செய்தீர்? சொல்லுங்கள்!

கவிகள் யாரேனும் செவியைப் பாடினரா?
அவருக்கு கண், இதழ், இவையே எல்லாம்.

மீதியிருப்பதை என் செய்வதென்றறியாமல்
இறைவன் இருபக்கமும் எங்களை ஒட்டிவிட்டார் போல..

இதுமட்டுமா..
நாவிதரும் முடி திருத்தும் போது
எங்களையும் விட்டதில்லை.
டெட்டால் போட்டு மறைத்து விடுகிறார்.

யாரிடம் சொல்லி முறையிடுவேன்?
என் மன வேதனை கொஞ்சம் குறைய...
கண்ணிடம் சொன்னால் அழுது விடுகிறது
மூக்கிடம் சொன்னால் ஒழுகுகிறது
வாயிடம் சொன்னால் விக்கி விக்கி கலங்குகினது..

வாத்தியாருக்கு தர்பை
துணிக்கடைக்கார்ருக்கு பென்சில்
மேஸ்திரிக்கு பீடீ
மொபைல் பேணுபவருபக்கு செவிப்பொறி
பாதுகாப்பதெல்லாம் நாங்களே...

சமீபகாலத்தில் மாஸ்கை தாங்குவதும் நாங்களே..

எல்லாவற்றையும் மாட்ட எங்களை மாட்டிவிட்டீர்கள்..

இன்னும் நீங்கள் மாட்ட இரட்டையர் நாங்கள்
என்றும் இருப்போம்.


சில்லரை - சுகந்தீனா



முதியவரே
இத்தனை வயதில்
எத்தனை பொருளீட்டி
இருப்பீர்

அத்தனையும் இழந்து
இப்படி கைகளேந்தி
சில்லரை பெறுவது
ஏனோ?

கைப்பொருள்
அனைத்தையும்
கட்டியவளுக்கும் பெற்ற
பிள்ளைகளுக்குமென
கொடுத்துவிட்டு
பாசக்குழியில்
வீழ்ந்து கிடந்தீரோ

கட்டியவள்
இருந்திருந்தால்
கண்ணில் வைத்து
காத்திருப்பாளோ

எங்கே அவள்?

உம்மை விட்டுவிட்டு
காலத்தின் பிடியில்
கண்மூடி விட்டாளோ

பெற்ற மகனிடம்
கவனக்குறைவால்
மீதம் இருந்த
கைப் பொருளையும்
இழந்தீரோ

மகனுக்கு வந்தவள்
மதிக்கவில்லையோ

உழைப்பில்
வாழ்ந்தவரை
உரசிப் பார்த்து
விட்டார்களோ

பொறுத்துக் கொள்ள
முடியாமல் புறப்பட்டு
விட்டீரோ

இன்று சில்லரைக்காக கையேந்துவதன்
கரணியம் என்ன
முதியவரே

கரணியத்தை
கதைப்பீர்களானால்
கைக்கொடுத்து
தூக்கி விடுவதோடு
நாங்களும்
கவனமுடன்
இருந்துவிடலாம்
அல்லவா

✍️ கவிரசிகை.....
            ......சுகந்தீனா


Monday, 2 November 2020

புதிய கல்விக் கொள்கை


அன்பு - சுகந்தீனா



அன்பென்ற
ஒற்றை
சொல்லே
உலகின்
ஒட்டுமொத்த
அசைவிற்கும்
காரணம்

அன்பின்
ஆழங்கள்
கவிதைகள்
ஆகலாம்

கவிதைகள்
கனவுகள்
ஆகலாம்

கனவுகள்
கவிதைகளும்
ஆகலாம்

கனவுக்
கவிதைகள்
யாவும்
கடலையும்
கடக்கலாம்

கண் சிமிட்டும்
நேரத்தில்
கண்டமும்
தாண்டலாம்

அந்த
அன்பென்ற
ஒற்றை சொல்
களங்கமில்லா
கவிதைகளாக
தொடரும் வரை

காலங்கள்
காவியமாய்
கரைந்தோடும்

காவியங்களும்
இலக்கியங்களாய்
புனையப்பட்டு
பாதுகாக்கப்படும்

அன்பென்ற
ஒற்றை
சொல்லே
உலகின்
ஒட்டுமொத்த
உயிர்களின்
ஏக்கம்..!

அன்றும்
இன்றும்
என்றென்றும்...

✍️கவிரசிகை......
         .......சுகந்தீனா


நான் அருவி, நீ பேரன்பின் வீடு

கண்மாய்களின்
மடைகளிலோ
வயல்களின்
வாமடைகளிலோ
அடைபடாத அன்பின்
அருவி நான்...!

அக்னிநட்சத்திர
வெயிலிலும்
எனைக்குளிர்வித்து
உறங்கவைக்கும்
சம்பை வேய்ந்த
பேரன்பின்
வீடு நீ....!
எல்லாந்தாண்டி
இனியென்னடி வேண்டும் செல்லம்மா...?
சம்மாநெல்லாய்
உந்தன் மடியில் நான் சாய்ந்திட...!!
*பொன்.இரவீந்திரன்*


Featured post

மனதுக்குள்ளே மச்சம் போல

எந்தன் மொட்டை மாடியில் மினுமினுத்த நட்சத்திரங்களை உனது மாடிக்கு அனுப்பி விட்டேன்...! எனது வாசலில் கரைந்த காகங்களை உனது வீட்டிற்கு விரட...

POPULAR POSTS