மணப்பாறை நிலத்தின் ஆழ்துளைக் கிணறே!
மழலையை இன்னும் விடமறுக்கின்றாயே!
சுமந்து ஈன்ற அன்னையின் பரிதவிப்பை நீ அறிவாயோ?
உன்மடியில் விழுந்ததனால் உன்மகவெனக் முடிவெடுத்து விட்டாயோ?
நிமிடங்களை யுகங்களாக்கி
இதயங்களை
இரணக்களமாக்கி
மகன்முகத்தை இன்னும் காட்ட மறுக்கின்றாயே!
மண்ணே நீயும் பெண்தானே!
உன்னுள் விழுந்த மழலையை நீ
சொந்தம் கொண்டாடலாமோ?
மண்ணடியின் ஆழ்துளையே!
பெண்ணின் பிரசவவலிதனை நீயும் ஏற்றிடு!
மண்ணே நெகிழ்ந்து வழிவிடு!
மழலையை வெளியேற்ற உதவிடு!
த.ஹேமாவதி
கோளூர்
