நிலாப் பெண்ணே

நீ என்ன ஆகாய மங்கைக்கு

இளைய மகளோ

எப்போது பார்த்தாலும் ஒளிந்து விளையாட்டு காட்டுகிறாய்

சில நாட்கள் வாராமலே போகிறாய்

நிலாப் பெண்ணே

நீயும் 

நிலப் பெண் போல் தானோ

இன்பமாய் இருந்தால்

குளிர்ச்சியைத் தருகின்றாய்

கோபமாய் இருந்தால் காய்கின்றாய்

தினமும் மாலையில் வருகின்றாய்

காலையில் காணாமல் போகின்றாய்

அப்படி என்ன தான் வேலை பார்க்கின்றாய்

சொல்

நீ என்ன வேலை செய்கின்றாயோ

ஆனால் உன்னை வைத்து இங்கு நிறையவே வேலை நடக்கின்றது

நீ 

 வட்ட. நிலவே

வண்ண நிலவே

அரை நிலவே

பிறை நிலவே

 எங்களுக்கு உன்னைக் கண்டாலே மகிழ்ச்சி பொங்கும்

கவிதைகள் ஊற்றெடுக்கும்

காவியங்கள் பிறப்பெடுக்கும்

தி.பத்மாசினி