அவர்கள் திருடர்கள் அல்ல ஆனாலும்
பயந்து மறைந்து செல்கின்றனர்
அவர்கள் கொள்ளையர்கள் அல்ல ஆனாலும்
ஒருவர் மனதை ஒருவர் கொள்ளையடிக்கின்றனர்
அவர்கள் ஊமைகள் அல்ல ஆனால்
கண்ளால் பேசிக் கொள்கின்றனர்
அவர்கள் குருடர்கள் அல்ல ஆனால்
பக்கத்திலிருப்பவர்கள் அவர்களுக்குத் தெரிவதில்லை
அவர்கள் ஒரே ஊரிலிருப்பவர்கள் ஆனால்
தூரத்திலிருப்பதைப்போல் துடித்துப் போகிறார்கள்
அவர்கள் நோயாளிகள் அல்ல ஆனாலும்
இருவரும் சோர்வுற்று இளைக்கிறார்கள்
ஈருடல் ஓருயிர் என்கிறார்கள் ஆனால்
அடிக்கடி சண்டையிட்டுக் கொள்கிறார்கள்
என்ன காதலோ இந்த புதிரான
காதலின் ரகசியம் புரியவில்லை
தி.பத்மாசினி
