ஆசைகளை சிறை வைத்து -அவள் அடுப்பறையில் வெந்து தனியும் நாளென்ன நாளோ!
கருசுமந்து காலனை வென்று -அவள் வீடுதிரும்பும்
நாளென்ன நாளோ !
திருமதி ஆனதலிருந்து ஒருமதியுமில்லாதவளென -அவளை
மதியாருக்கும் மனம்கோணாமல் பணிசெய்யும் நாளென்ன நாளோ!
வாழ்க்கைப்பட்டதிற்காய்
வாழ்வெல்லாம் ஆசை துறந்து - அவள்
அகதியாய் ஓரம் நின்ற நாளென்ன நாளோ !
ஆண்டுக்கொருநாள் கொண்டாடி ஆயுள் முழுவதும் அடிமையாய்-அவள் வாழ்வது நாளென்ன நாளோ!
சபைகூடி, வசைபாடி சபித்துவிட்டு பாராட்டும் நாளென்ன நாளோ !
போடுவது வேசம் என்று தெரிந்தும் *போராடாத் தயாராக இருக்கும் அவளுக்கு எல்லா நாளும் மகளிர் தினமே*
*பெண்ணே*
நீ விதை ! விழும்போதெல்லாம் முளைத்தெழும் *விருட்சம் !*
நீ நதி தடைகளைத் தாண்டும்
*வேகம் உன்னுள் !*
நீ காற்று
ஊடே புகுந்து ஒழுங்குபடுத்தும் *ஆக்கம் !*
நீ நெருப்பு வேண்டாதன பொசுக்கிடும் *வேள்வி !
மாதவம் செய்து மகளிராய் பிறந்த அனைவருக்கும்
*மகளிர் தின வாழ்த்துகள்*
*-நாணல்*
