இல்லத்தரசி

அறம் எனப்படுவது யாதெனில் 

கல்வி தானம் என்பார்

கல்வியாளர்

பொருள் தானம் என்பார்

மனமுள்ளோர்

உறுப்பு தானம் என்பார்

மனிதம் காப்போர்

ஆனால்

அறத்தையே தானம்

அளிப்பவளே

இல்லத்தரசி 

ஒரு வீட்டின்

உன்னத இளவரசியாய்

உலாவந்தவள்

மறுவீட்டில் வந்தாள்

மகாராணியாய்

அங்கே அவள்

சூட்டிக்கொண்டது

சுடரும் வைரக்கிரீடமல்ல

முப்பொழுதும் வலிதரும்

முட்கிரீடம்

வலிக்கும் என்று தெரிந்தே

சூட்டிக்கொண்ட சுடர்க்

                              கொடி

பஞ்சாங்கம் மிஞ்சும்

பழமைவாதிகளுக்காய்

நெஞ்சில் இடங்கொடுப்பாள்

நாத்திகளின் 

சூத்திரங்களை

இலகுவாய் மேற்கொள்வாள்

கொழுநன்களை

குழந்தைகளாய் மனதில் 

தூக்கிச்சும்ப்பாள்

தாலிகட்டியவன்

தடம்மாறினும்

தடுமாறினும்

சாரதியாய் தோழியாய்

அவதாரமெடுப்பாள்

தாம்பத்ய அறம்செழிக்க

தன்வலி மறப்பாள்

வாரிசுகள் வளம்கண்டே

வாழ்நாளின் நலம் காண்பாள்

தோல்விகள் துரோகிகள்

இவள் தாங்கும்

சிலுவைமரங்கள் அதை

சுமப்பதையும்

சுகமாய்க்காண்பாள்

தாயாய் தாரமாய் தோழியாய்

சேவகியாய் தாசியாய் பல்வேறு அவதாரம் எடுக்கும்

நவக்கிரக நாயகியே

இல்லத்தரசி

🌹🌹வத்சலா🌹