வாழ்த்துகள்

வெறும் ஒரு வார்த்தையா
பகிரப்படும் வாழ்த்துகள்?

வேறுபாட்டை மறக்கவைத்து,
மாறுபாட்டைப் புரியவைத்து 
மனவோட்டம் உணர்த்துகின்ற மங்கலமான வார்த்தை.

உள்ளுக்குள் ஊடுருவி
உணர்வுக்குள் உடன் கலந்து
மனதுக்கு இதமளிக்கும்
மகத்தான தேனருவி.

ஆசையில்லை என்பவரும்
ஆசையோடு எதிர்நோக்கும்
அர்ப்பணிப்பை ஊக்குவிக்கும்
அற்புதமான வார்த்தை.

தனியொருவன் நீயல்ல
தரணியில் நீ தனியல்ல
பகிர்வதற்கு நானுண்டெனப்
பறைசாற்றும் வார்த்தை.

வாழ்த்த வேண்டுமே என்று வாழ்த்துவதல்ல வாழ்த்து,
வாழ வேண்டும் என்று
வாழ்த்துவது வாழ்த்து.

உயர்த்தவேண்டும் என்று சொல்லுவதல்ல வாழ்த்து,
உயர வேண்டும் என்ற
எண்ணமது வாழ்த்து.

வாழ்த்துகள் நிறையட்டும்,
வாழ்த்துங்கள் வளரட்டும்,
வாழ்வாங்கு வாழ்வதற்கு
வாழ்த்துகள் துணைக்கட்டும்.

வாழ்த்துங்கள் வளரட்டும்.

*கிராத்தூரான்*