வீட்டுக்கு விருந்தாளி
வந்தாலே……!
பகீரென்கிறது மனசு…
அய்யோ……!
கூரை மீதிருந்த……
காகம் கரைகிறதே…!
இதயத்துடிப்பு
இன்னும் அதிகரிக்கிறது..!
நிச்சயம் இன்றைக்கு
விருந்தாளி
யாராவது வருவாங்க….!
என் சுற்றத்தை
சுற்றும் முற்றும்
வாஞ்சையுடன் பார்க்கிறேன்…!
ஆபத்து நெருங்குகிறது…!
இன்று-
யாரோ ஒருவர் காலி
நிச்சயமாகத் தெரிந்து விட்டது..!
விருந்தாளி வந்தே விட்டார்…!
வீட்டில் ஏற்பட்ட
களேபரத்தின் மூலம்
தெரிந்து கொண்டேன்…!
மதியம் வரை…
நான் எதிர்பார்த்தபடி
எதுவும் நடக்கவில்லை…!
விருந்தாளி விடை பெறும் போது
ஓரக்கண்ணால் அவரைப் பார்த்தேன் !
அவர்-
அய்யப்பன் கோவிலுக்கு
மாலை அணிந்திருந்தார்….!
நிம்மதிப் பெருமூச்சு விட்டபடியே
இரையைத் தேடலானேன்..!*
*இன்னும் உயிர் வாழ…….!*
