Header Ads Widget

Responsive Advertisement

உழைப்பு



உழைப்பால் உயர்ந்தவர் எத்தனை பேர்

பிறர் உழைப்பில் உயர்ந்தவர் எத்தனை பேர்.


உழைக்கத் தெரிந்தவர் எத்தனைபேர்

அதில் உழைப்பைப் பழிப்பவர் எத்தனை பேர்.


உழைக்காமல் வாழ்பவர் எத்தனை பேர்

மேலும் உழைக்காமல் அழிந்தவர் எத்தனைபேர்.


உழைப்பினை வியப்பவர் எத்தனை பேர்

அந்த வியப்பினால் உழைப்பவர் எத்தனை பேர்.


உழைப்பினால் உயர்பவர் சிகரத்தைத் தொடுகிறார்

உழைக்காமல் உயர்பவர் சறுக்கியே விழுகிறார்.


உழைக்கத் தெரிந்தவர் உரிமையைப் பெறுகிறார்

உழைக்க மறுப்பவர் உறவையே இழக்கிறார்.


உழைப்புக்கு எறும்பினைத் தேனீயைச் சொல்கிறார்

உருவு கண்டெள்ளாமல் உழைப்பினை மதிக்கிறார்.


உழைத்துக் கொண்டிருப்பவர் உயர்ந்து கொண்டிருக்கிறார்

உழைக்காமல் இருப்பவர் பழிக்கப் படுகிறார்.


*சுலீ. அனில் குமார்* 

*கே எல் கே கும்முடிப்பூண்டி*