கோவிலில் திரை விலகினால்
இறைவனின் தரிசனம் கிடைக்கும்
மக்களின் முகத்திரை விலகினால்
பலரின் உண்மை முகம் கிடைக்கும்
சூரியனை திரையிட்டு மறைப்பது மேகங்கள்
மழலைகள் திரையிட்டு மறைப்பது நம் சோகங்கள்
மனிதரின் கவலைகளை திரையிட்டு மறைப்பது சிரிப்பு
பெண்கள் தங்களை காத்துக் கொள்ள
முகத்தில் திரையிட்டு காட்டுவது சிடுசிடுப்பு
சிலரின் தீய செயல்களை
திரையிட்டு மறைப்பது முரட்டுத்தனம்
பலரின் நல்ல செயல்களை
திரையிட்டு மறைப்பது அடக்கம்
அரசியல் வாதிகளின் செயல்களை
திரையிட்டு மறைப்பது அதிகாரம்
பலரின் முயற்சிகளை எல்லாம்
திரையிட்டு மறைப்பது தடைகள்
மாணவர்களின் திறமைகளை எல்லாம்
திரையிட்டு மறைப்பது ஏழ்மை
பலருக்கு வாய்ப்பு கிடைத்தாலும்
திரையாய் வருவது சிபாரிசுகள்
பலரின் தீய குணங்களை
திரையிட்டு மறைப்பது அமைதி
தீய திரைக்கு திரயிட்டு
உண்மை வழி நடப்போம்
தி.பத்மாசினி
