பூக்களை பறித்துவிடுங்கள்

மலர்ந்த பூக்களை பறித்துவிடுங்கள்
மொட்டுக்கள் மலர
பாதை கிடைக்கும்

மலர்ந்த பூக்களை பறித்து விடுங்கள்
வீணாய் மாள்வதை விட மங்கையின் குழலை மணக்கச் செய்யட்டும்

மலர்ந்த பூக்களை பறித்து விடுங்கள்
அவைகளுக்கும் புண்ணியம் கிடைக்கட்டும்
இறைவனை அலங்கரிப்பதால்

மலர்ந்த பூக்களை பறித்து  சரமாகத் தொடுத்து
மணமக்களுக்குச் சூட்டுங்கள்
அவர்கள் வாழ்வு இனிமை பெற

மலர்ந்த பூக்களை ஒன்றாக சேருங்கள்
இறைவனடி சேர்பவர்க்கு துணையாகச் செல்ல


மலர்ந்த பூக்களை மாலையாக்குங்கள்
மங்கையின் கழுத்தை அலங்கரிக்க


மலர்ந்த பூக்களுக்கோ
வாசமும் வாழ்வும் ஓரிரு நாள்

மலர்ந்த முதியோரெல்லாம்
இளையோருக்கு வாய்ப்பளித்து
வளர வகை செய்வோம்


சில நாள் இருக்கும் பூக்களே
நல்லது செய்யின்

பலநாள் வாழும் மனித இனமே
ஏன் அல்லன செய்து வாழ்கின்றாய்
வீழ்கின்றாய்

தி.பத்மாசினி