இறைவனிடம் காலம் படைப்பாகிறது
ஆசிரியர்க்கு காலம் பொறுப்பாகிறது
மாணாக்கர்க்கு காலம் பொழுதுபோக்காகிறது
மருத்துவர்க்கு காலம்உயிராகிறது
தேர்வறையில் காலம் வாழ்வாகிறது
பிரசவத்தில் காலம் மறுபிறப்பாகிறது
முதலாளிகளுக்கு காலம் பொன்னாகிறது
வேலையுள்ளோர்க்கு காலம் பணமாகிறது
வேலையற்றோர்க்கு காலம் வீணாகிறது
விவசாயிகளிடம் காலம் பயிராகிறது
மருந்துகளுக்கு காலம் காலாவதியாகிறது
சோம்பலுற்றோருக்கு காலம் விரயமாகிறது
எழுத்தாளனுக்கு காலம் காவியமாகிறது
கவிஞனுக்கு காலம் கவிதையாகிறது
கலைஞனுக்கு காலம் இசையாகிறது
பிரிவுகளில் காலம் கசக்கிறது
அன்பில் காலம் இனிக்கிறது
துன்பத்தில் காலம் நிலையாயிருக்கிறது
யாவரின் காலமும் காலனிடம்
சிலரின் காலம் கந்துவட்டியிடம்
பெரும்பாலோரின் காலம் தொலைக்காட்சியிடம்
காலம் காலம்காலமாய் மாறாமலிருக்கிறது
நாம் தான் காலத்திற்கேற்ப மாறிக்கொண்டு வருகிறோம்
காலம் பொன் போன்றது
இந்த பொன்னை நாம் மட்டுமே பயன் படுத்த முடியும்
தி.பத்மாசினி
