தளிர்கள் பசியறுப்போம்!

கண்ணே மணியே சுடர்வீசும்  நான்பெற்ற

......தண்ணிலவே என்றெல்லாம் கொஞ்சிடவே__ ஈன்றெடுத்த

.........அன்னையோ தந்தையோ அற்ற மழலையர் 

........மென்பசிக்குச் சோறிடல் நன்று!

.............................(1)

ஆலயம் சென்றாங்கே ஆண்டவன் மேனியில்

.....பாலூற்றி ஆனந்தம் கொள்வதைக்__

காட்டிலும்

......பாலூட்ட யாருமில்லா பிஞ்சு மழலையர்

....பாலுண்ணச் செய்தல் உயர்வு

...............................(2)

தாய்தந்தை அற்றவர்கள் உண்ணாமல் வாடிநிற்க

......வாய்நிரம்ப உண்டியலில் காசெதற்கு?__தீவினை

போய்விடுமா நல்வினைதான் கூடிடுமா ஏழைகள்

.......வாயெல்லாம் உண்டிடுமா என்ன?

............................(3)

பெருஞ்செல்வம் வேண்டாமே நல்லமனம் போதும்

......அரும்பசிக்கு உன்உணவில் ஓர்உருண்டை__தந்தாலும்

.......போதுமே ஆலயத்தில் காணிக்கைச் செய்வதினும்

........கோதிலா நற்செய லாமே

............................(4)

த.ஹேமாவதி

கோளூர்