Header Ads Widget

Responsive Advertisement

மறந்து விட்டோம்




கண்ணுக்கெட்டாத தூரத்தில் இருக்கும்
கோள்களை ஆராயும் நாம்
நம் அருகில் இருக்கும்
மனித மனங்களை ஆராய மறந்து விட்டோம்

தனிக் குடும்பத்தை விரும்பி
கூட்டுக் குடும்பங்களை மறந்து ம்
விட்டோம் தொலைத்தும் விட்டோம்


அயல் நாட்டு மோகத்தை விரும்பி
நம் பண்பாடு நாகரீகங்களை மறந்து விட்டோம்

ஆங்கிலம் பேசும் ஆசையினால்
தமிழ் மொழியை மறந்தும் விட்டோம்
தமிழை  வளர்க்காமல் விட்டு விட்டோம்

நம் நீராகர உணவை மறந்துவிட்டு
பீட்சா பர்கருக்கு மாறி  விட்டோம்
உடலில் நோயையும் சேர்த்துவிட்டோம்


சாதி சாதியென்று
ஒருரோடொருவர் சண்டை போட்டு
நாம் மனித சாதி 
என்பதை மறந்து விட்டோம்

அயல் நாட்டு அறிவியல் அறிஞர்களையும்
இலக்கியவாதிகளையும் புகழும்
 நாம் நம்மூரில்  இருப்பவர்களை மறந்துவிட்டோம்

சமூக சேவை செய்ய ஓடும் நாம்
கண்ணெதிரே இருக்கும் பெற்றோருக்குக
சேவை செய்ய மறந்து விட்டோம்


கல்லுக்கும் கட் அவுட்டுக்கூம்
பால் ஊற்றும் நாம்
அழுகின்ற அநாதை குழந்தைக்கு
பால் ஊற்ற மறந்து விட்டோம்

மறந்தவைகளை ஞாபகப்படுத்தி
மறக்காமல் இருப்போம்
இனி மறந்தவைகளை


தி.பத்மாசினி