தொலைந்து போன உறவுகள்

பொறுமை என்பது இல்லாமல் போனதால்
சகிப்புத்தன்மை காணாமல் போனதால்
ஒற்றுமை என்பது வழிமாறிப் போனதால்
வேற்றுமை எண்ணம் தலைதூக்கிப் போனதால்
தொலைவாய்ப் போனது உறவுகள்,
தொலைந்து போனது உறவுகள்.

விட்டுக் கொடுக்கும் உள்ளம் இல்லை
ஒத்துப் போகும் எண்ணம் இல்லை
மதித்து நடக்கும் பண்பும் இல்லை
மரியாதை கொடுக்கும் தன்மை இல்லை
தொலைவாய்ப் போனது உறவுகள்,
தொலைந்து போனது உறவுகள்.

கொடுத்து வாங்கும் பழக்கம் இல்லை
எடுத்துச் செய்து முன் நிற்பதில்லை
உனக்கு நான் எனக்கு நீ என்பதும் இல்லை
உரிமையும் கடமையும் நினைவிலும் இல்லை
தொலைவாய்ப் போனது உறவுகள்,
தொலைந்து போனது உறவுகள்.

குணத்தை மிதித்த பணத்தின் மதிப்பு
பிணத்தின் மீதும் சொல்வார் கணக்கு
இரணத்தை வருத்தும் சொல்லில் அம்பு
இல்லாமல் போனது உண்மை அன்பு
தொலைவாய்ப் போனது உறவுகள்,
தொலைந்து போனது உறவுகள்.

தொலைவாய்ப் போனது உறவுகள்
தொலைந்து போனது உறவுகள்.

*சுலீ. அனில் குமார்.*